مكرونه الوايت صوص اللذيذه 😋👩🍳😍
المكوّنات
- مكرونه مسلوقه اي نوع
- 2 م ك دقيق
- 2 م ك زبده
- فصين ثوم او فص واحد حسب الرغبه مفروم
- 1 مرقه دجاج
- كوبايه مايه من سلق المكرونه
- 3 كوب لبن ولو محتاج ازود تاني
- 1/2 كوب لو متاح كريمه لباني
- ملح وفلفل ورشه جوزه الطيب
- الجبن المتاحه عندك انا استخدمت شيدر ورومي مبشور ونستو وموتزاريلا
- رشه لمون
- بقدونس للتزيين
الخطوات
- ف حله هنحط معلقتين الزبده تسيح وبعدها الثوم ونقلبهم لحد ما الثوم ياخد لون وبعدين هنزل بالظقيق وااقلب بالمضرب اليدوي شويه وانزل باللبن شويه شويه بس افضل ااقلب كويس ع ميكلكعش وشويه صغيرين الاول لحد ما نلاقيه بقه عامل زي الكريمي كده
- هجيب كوبايه مايه سلق المكرونه وادوب فيها مرقه الدجاج وانزل بنصها او بيها كلها زي ما تحبي وافضل ااقلب وبعدين نص كوبايه الكريمه اللباني لو مش موجوده خلاص عادي وبعدين انزل بالجبنه النستو انا حطيت 3 حتت وقلبت لحد ما دابو وبعدين الموتزاريلا والشيدر والرومي واقلبهم كويس وانزل بالملح والفلفل ورشه جوزه الطيب ودوقو لحد ما تظبطو الملح المهم نخلي الخليط ميتقلش مننا وميبقاش خفيف يبقي كريمي وسط كده وبعدين ااقفل عليه واحط عصره لمونه صغننه اوي
- ع المكرونه بقه هحط شويه صوص ال هو هفرق بيهم المكرونه بس واقلبها وبعدين هحط باقي الصوص بس هسيب شويه ع جمب وع النار ياخد لسعه وبعدين ااقفل واقدم المكرونه ف الكبق بقه وباقي الصوص ال كنت سيبان ع جمب اغرقو بيها ع الوش كده والبقدونس للتزين والف هنا ❤️